தமிழ்ப்பல்கலையில் தொலைநிலைக்கல்வி தேர்வு முடிவு வெளியீடு

தொலைநிலைக்கல்வி தேர்வு முடிவுகள் இணையளத்தில் வெளியிடப்பட்டு உள்ளது, என்று தஞ்சை தமிழ்ப்பல்கலையின் கூடுதல் தேர்வுக் கட்டுபாட்டு அலுவலர்(பொ) சுந்தரேசன் தெரிவித்துள்ளார்.

அவர் வெளியிட்ட அறிக்கை: தஞ்சை தமிழ்ப்பல்கலையின் தொலைநிலைக்கல்வி தேர்வுகள் கல்வி ஆண்டு மற்றும் துணைத்தேர்வுகள், மே, 20ம் தேதி துவங்கி, ஜூன், 4ம் தேதி வரை நடந்தது. இதில், தேர்வு எழுதிய மாணவர்கள் விடைத்தாள்கள் மதிப்பீடு செய்யப்பட்டு, தேர்வு முடிவுகள் இணையதளத்தில் வெளியிடப்பட்டுள்ளது.

இளநிலைப் பாடபிரிவில் வணிக மேலாண்மை மூன்றாம் ஆண்டு, கணிதம், உளவியல், வரலாறு மூன்றாம்ஆண்டு, தமிழ் மூன்றாம் ஆண்டு, வணிகவியல் இரண்டாம் ஆண்டு போன்ற பாடப்பிரிவுகளும் முடிவு வெளியிடப்பட்டுள்ளது.

மேலும், முதுகலை பாடப்பிரிவில் கணிதம், உளவியல், வணிகவியல் முதலாம் ஆண்டு மற்றும் இரண்டாம் ஆண்டு மற்றும் சுற்றுச்சூழல் முதலாம் ஆண்டு மற்றும் இரண்டாம் ஆண்டு, முதுகலை பட்டயம் கம்ப்யூட்டர் பயன்பாட்டியல், தொடக்க நிலைப்படிப்பு, அடிப்படை நிலை இரண்டாம் ஆண்டு போன்ற பாடப்பிரிவுகளிலும் தேர்வு முடிவுகள், http://www.tamiluniversity.ac.in/ என்ற இணைய தளத்தில் பார்க்கலாம்.இவ்வாறு தெரிவித்துள்ளார்.