அறிவியல் விழாவில் அரசு பள்ளிகள்!

இந்திய கலாசாரத் துறை சார்பில், தேசிய அறிவியல் அருங்காட்சியக கவுன்சில், தேசிய அறிவியல் நாடக விழாவை,ஆண்டுதோறும் நடத்துகிறது. இந்த கல்வி ஆண்டுக்கான விழா, ஜனவரி மாதம்கோல்கட்டாவில் நடக்கிறது. இதில் கலந்து கொள்ள, மண்டல வாரியாக, முதல் இரண்டு பள்ளிகள் தேர்வு செய்யப்படும். 

தென்மாநில பள்ளிகளை தேர்வு செய்ய, விஸ்வேஸ்வரய்யா தொழில் மற்றும் தொழில்நுட்பக் கவுன்சில் சார்பில், தென்னிந்திய அறிவியல் நாடக விழா,வரும் நவம்பரில் நடத்தப்படுகிறது.
இதில் பங்கேற்க, தமிழகத்திலிருந்து அறிவியல் நாடகம் நடத்துவதில், சிறந்த இரண்டு பள்ளிக் குழுக்கள் அனுப்பப்பட உள்ளன. இந்தக் குழுக்களைத் தேர்வு செய்ய, அனைத்து அரசு பள்ளிகளிலும், அறிவியல் நாடகப்போட்டி நடத்தஉத்தரவிடப்பட்டு உள்ளது.பள்ளி அளவில் ஆக., 18, கல்வி மாவட்ட அளவில் ஆக., 19, வருவாய் மாவட்ட அளவில் ஆக., 21, மாநில அளவில்,ஆக., 25 ஆகிய தேதிகளில், போட்டிகள் நடத்த உத்தரவிடப்பட்டு உள்ளது.'அறிவியலும், சமூகமும்' என்ற தலைப்பின் கீழ், பல்வேறு தலைப்புகளில், 30 நிமிடங்களில் முடியும் வகையில், நாடகங்களை நடத்தி, குழுக்களைத் தேர்வு செய்ய, பள்ளிக்கல்வி இயக்குனர் உத்தரவிட்டுள்ளார்.